Sérfræðingur í notendaþjónustu

Fagkaup leitar að öflugum og þjónustulunduðum sérfræðingi í upplýsingatækni til að ganga til liðs við notendaþjónustu fyrirtækisins. Um er að ræða fjölbreytt og krefjandi starf í lifandi og nútímalegu umhverfi.

Við leitum að einstaklingi sem hefur metnað fyrir góðri þjónustu, sýnir frumkvæði og vill taka virkan þátt í áframhaldandi þróun upplýsingatæknimála hjá Fagkaupum. Starfið felst bæði í notendaþjónustu á þjónustuborði og kerfisstjórnun í nútímalegu Microsoft-umhverfi.

UT-teymi Fagkaupa þjónustar um 300 starfsmenn fyrirtækisins. Teymið er léttur og skemmtilegur hópur sérfræðinga sem leysir fjölþætt vandamál – og hjálpast að þegar á reynir.

Helstu verkefni

• Tæknileg aðstoð og þjónusta við notendur í Windows og Microsoft 365 umhverfi
• Öryggis- og aðgangsmál í Microsoft Entra, Intune og Active Directory
• Bilanagreining og úrlausn vandamála í hugbúnaði og vélbúnaði
• Uppsetning, þjónusta og viðhald á tölvum, útstöðvum og tengdum búnaði
• Gerð leiðbeininga fyrir starfsfólk til að nýta upplýsingatækni í sínum störfum
• Greining og úrbætur á ferlum með það að markmiði að auka skilvirkni og bæta þjónustu
• Þátttaka í umbótaverkefnum og þróun UT-umhverfisins fyrirtækisins í samstarfi við Upplýsingatæknistjóra

Hæfniskröfur:

• Rík þjónustulund og lipurð í samskiptum
• Skipulögð og sjálfstæð vinnubrögð
• Góð færni til að greina og finna lausnir
• Reynsla af Microsoft Entra, Intune og Exchange Online er kostur
• Reynsla af öryggismálum í Microsoft 365 er kostur
• Þekking á prenturum og prentumsýslu

Fríðindi í starfi

• Líkamsræktarstyrkur
• Samgöngustyrkur
• Niðurgreiddur hádegismatur
• Öflugt félagslíf og virkt starfsmannafélag
• Árlegt heilsufarsmat

 Starfsstöð: Klettagarðar 25, 104 Reykjavík

Fagkaup hvetur áhugasama að sækja um starfið, óháð aldri, kyni og uppruna. Farið er með umsóknir sem trúnaðarmál. Umsóknarfrestur er til 15.nóv.