Ráðgjafi í tækni- og notendaþjónustu

Garnes Data óskar eftir að ráða öflugan og þjónustulundaðan einstakling í starf ráðgjafa í upplýsingatækni. Ráðgjafi sinnir fjölbreyttum verkefnum, veitir tæknilega þjónustu og ráðgjöf, fylgir eftir verkefnum, veitir þjónustu á vettvangi og byggir upp traust og góð tengsl við viðskiptavini. Að auki mun hann taka þátt í uppbyggingu fyrirtækisins og framtíðarsýn þess.

Starfið hentar einstaklingi sem hefur getu til þess að vinna sjálfstætt og brennandi áhuga á að læra nýja hluti og tileinka sér tækninýjungar.

Helstu verkefni og ábyrgð

• Veita viðskiptavinum notenda aðstoð og tæknilega þjónustu, bæði í fjarþjónustu og á starfsstöðvum þeirra
• Taka á móti þjónustubeiðnum, greina bilanir og fylgja eftir úrlausn mála
• Sinna uppsetningu, viðhaldi og bilanagreiningu á tölvum, vélbúnaði og hugbúnaði
• Veita þjónustu og stuðning í Microsoft-umhverfi
• Aðstoða við rekstur og bilanagreiningu netkerfa
• Styðja fyrirtæki í rekstri á sínu tækniumhverfi
• Byggja upp og rækta traust tengsl við viðskiptavini

Menntunar- og hæfniskröfur

• Reynsla af upplýsingatækniþjónustu, bilanagreiningu og almennum tæknistörfum
• Haldbær reynsla af rekstri og þjónustu á netkerfum, tölvum og öðrum tölvubúnaði
• Góð þekking á Windows og Microsoft 365 er skilyrði
• Reynsla af störfum hjá upplýsingatæknifyrirtæki eða sambærilegu þjónustuumhverfi er kostur
• Viðeigandi tæknimenntun eða fagvottanir
• Góð íslensku- og enskukunnátta

Um Garnes Data
Garnes Data er tæknifyrirtæki sem er hluti af stærri samstæðu, Garnes Group sem starfar á Íslandi og í Noregi. Fyrirtækið býður heildarlausnir í upplýsingatækni, sérstaklega fyrir lítil og meðalstór fyrirtæki. Garnes Data leggur áherslu á að veita viðskiptavinum öruggar, vandaðar lausnir og persónulega þjónustu.

Umsóknarfrestur er til og með 15. nóvember 2026. Umsókn óskast fyllt út á www.intellecta.is og þarf henni að fylgja starfsferilskrá. Áhugasamir aðilar, óháð kyni, eru hvattir til að sækja um starfið. Farið verður með allar umsóknir og fyrirspurnir sem trúnaðarmál og þeim svarað að ráðningu lokinni.
Nánari upplýsingar veitir Vilborg Þórðardóttir (vilborg@intellecta.is)