Þjónustufulltrúi óskast hjá Hringdu!

Við auglýsum eftir framúrskarandi einstaklingi í þjónustuver Hringdu. Um er að ræða 100% starf. Aldurstakmark er 20 ár.

Starfið

Í starfinu felst að aðstoða viðskiptavini Hringdu við allt sem tengist okkar vörum og þjónustu. Þú sýnir jákvæðni, hugsar í lausnum, elskar mannleg samskipti og vilt umfram allt veita bestu þjónustuna!

Hvað ertu að fara gera?

• Aðstoða viðskiptavini með alls kyns tæknileg vandamál í tengslum við internet, farsíma & heimasíma
• Leysa einföld reikningamál
• Afgreiða pantanir og breytingar á þjónustum
• Eiga samskipti við okkar helstu þjónustuaðila
• Tækla ýmis önnur verkefni sem koma upp á

Ef þú hefur:

• Gaman af því að hjálpa
• Einhverja þekkingu á tækni & tölvum
• Sjálfstæð vinnubrögð
• Góða samskiptahæfileika og mikla þjónustulund
• Frumkvæði og heiðarleika

Ættirðu að sækja um hjá okkur! 

Þú getur skilað inn umsókn ásamt ferilskrá í Alfreð umsóknarkerfinu.

 

Um Hringdu

Hringdu er lítið en ört vaxandi fjarskiptafyrirtæki þar sem hæfileikaríkir einstaklingar geta unnið sig upp í starfi. Hér vinna fáar hendur mörg og mismunandi verk og er því starfið fjölbreytt, reynslumikið og ríkt af ábyrgð. Við fáum sendan mat í vinnuna fimm daga vikunnar og skálum alla föstudaga. Starfsmannafélagið Svaraðu sér fyrir góðu skemmtanalífi og hér elska allir kaffi, ketti & hunda.

Hringdu hefur hlotið viðurkenningu sem Fyrirmyndafyrirtæki VR árin 2017, 2018 og 2019 og sem Fyrirtæki ársins 2020, 2021, 2022, 2024 & 2025.

Ánægðustu viðskiptavinir í net- og símaþjónustu eru hjá Hringdu 2019-2026 samkvæmt Meðmælingu Maskínu.

Fríðindi í starfi

• Símtækjastyrkur
• Nudd á vinnutíma
• Aðgangur að Hopp hjólum
• 7 tíma vinnudagur
• Net- og símaáskrift
• Líkamsræktarstyrkur