Hugbúnaðarsérfræðingur

Skræða ehf. þróar og selur hugbúnað, Signal EMOS, sem veitendur heilbrigðisþjónustu reiða sig á í daglegu starfi. Við leitum að lausnasérfræðingi sem setur sig inn í starfsemi viðskiptavina, greinir hvernig kerfið okkar mætir þörfum þeirra og leiðir innleiðingar frá greiningu  og þar til verklag og hugbúnaður hafa sameinast.

Starfið krefst heildstæðrar og skipulagðrar nálgunar á vandamálum með víðtækar og fyrirbyggjandi aðgerðir í huga. 

Helstu verkefni og ábyrgð

• Greining á klínísku og rekstrarlegu verklagi viðskiptavina og skjölun á þörfum þeirra 

• Uppbygging innviða fyrir starfið með aðgengi annarra starfsmanna og viðskiptavina að nauðsynlegum upplýsingum 

• Gerð innleiðingaáætlana og verkstjórn fram að gangsetningu 

• Stillingar og uppsetning lausna innan kerfisins og framsetning valkosta með kostum og göllum 

• Breytingastjórnun við innleiðingar: kynning, þjálfun og stuðningur við starfsfólk við nýtt verklag 

• Fastur tengiliður tiltekins hóps viðskiptavina 

• Greining vandamála, rakning að mögulegri sameiginlegri/víðtækari orsök til heildræna úrlausna 

• Náið samstarf við hugbúnaðarteymi um úrbætur og tillögur um nýsmíði lausna á grundvelli þarfagreininga hjá viðskiptavinum 

• Dagleg umsýsla: notendur og aðgangsstýringar, Microsoft 365, VPN og dreifing hugbúnaðar 

Menntunar- og hæfniskröfur

Hæfniskröfur 

• Reynsla af innleiðingum, lausnaráðgjöf, kerfisgreiningu eða sérfræðistörfum tengdum hugbúnaðarkerfum 

• Reynsla af gerð kröfulýsinga, ferlarita eða innleiðingaáætlana er kostur 

• Reynsla af breytingastjórnun og þjálfun notenda 

• Færni í að greina þarfir notenda með takmarkaðan tæknibakgrunn og setja þær fram í skýrum, skriflegum lýsingum 

• Kerfisbundin vinnubrögð við sannprófanir –  sýna fram á að lausnir virki umfram það sem prófað var handvirkt. 

• Góð þekking á upplýsingatækni á borð við Windows, Linux, SQL, Active Directory / Entra ID og Microsoft 365 

• Skilningur á grunnatriðum netkerfa (VPN, DNS, eldveggir) 

• Reynsla úr heilbrigðisgeiranum er kostur 

• Skipulögð, sjálfstæð og vönduð vinnubrögð – þú tekur ábyrgð á og klárar það sem þú tekur að þér. 

• Gott vald á íslensku er skilyrði, auk góðrar enskukunnáttu 

Fríðindi í starfi

• Tækifæri til að vaxa í starfi og taka á sig aukna ábyrgð 

• Sveigjanlegur vinnutími og möguleiki á fjarvinnu